فقرات الحاسب الالى فى الحفلة

الشعر(قصيدة الرجيم )

مراتي عاملة ريجيم وأنا اللي باخس يا ناس ..
الفطار خيارتين والغداء خس يا ناس ..
والعشا ماتلاقيش ..مراتي مابتتعشاش ..
وهي زي ماهي زي القطر القشاش ..
وأنا اللي خلصت ياناس ..
أنا اللي خلصت خلاص ..
مراتي معذباني ..مراتي مجوعاني
نفسي في اللحمة الضاني ..ومراتي ملوعاني
ويا سلام على الملوخية .. والفتة بالتقلية ..
نفسي في الحلويات .. عليها مكسرات..
نفسي في القولقاس ..
وهي مفيش إحساس
معدتي نشفت ياناس ..
خلاص خلصت خلاص ..
الحلل رميناها .. بطلنا نطبخ فيها ..
السفرة شحتناها ...
بطلنا نقعد عليها ....
الغاز ولعنا فيه ..
ماعدتش لازمة ليه..
وهي زي ماهي ..
غريبة الشكل ..
وأنا اللي باخس ياناس من قلة الأكل..
ولو اشتكيت من الجوع ..
تقولي مفجوع ..
نفسي آكل يا ناس ..
تقولي ممنوع ..
وهي زي ماهي غريبة الشكل ..
وأنا اللي بخس يا ناس من قلة الأكل ..
خدوني للدكتور قالهم غذوه ..
سمعوها بالزين وأروح منهم فين ..
وأديني اتغذيت ..
بالإبر والجلوكوز ... والأكل ماضقتوش ..
الأكل ماشفتوش
دي مراتي عاملة ريجيم وأنا اللي باخس ياناس ..
هودع الدنيا عشان ترتاح سونيا ...
سونيا مجنناني .. سونيا معذباني ..
سونيا مجوعاني ..
وعلى الريجيم غصباني..
آه يانا من الستات وريجيم المدامات

الماسنجر ايام الجاهليه


ابا جهل : مرحباً يا ابا لهب
ابا لهب : عمت مساءا يا ابا جهل .. كيف حالك هذا المساء ؟


ابا جهل:اين انت يا ابا لهب لا اراك في شات عكرمــة هذه الايام ؟!!!


ابا لهب :انا لم ابرح خيمتي منذ ايام يا صاح ..


ابا جهل : ولماذا ؟


ابا لهب : تبا لكمبيوتري دخله فيروس من النوع الحبشي وضرب اللوحة الام مع اني وضعت له مقاوم للفيروسات الحبشية .. ولكن تبا لهذا المقاوم ... فقمت بتغيرها من عند وكالة (( مسيلمة الكذاب )) ...


ابا جهل : لو اعلمتني لكنت اتيت معك لانني اعرفه فهو من رجال عشيرتنا .


ابا لهب : ولكن قل لي .. هل سأل عني أحد في دار عكاظ كوفي نت ؟


ابا جهل : ثكلتك امك ...ان لك شعبيه كبيره يا ابا لهب . ..سألت عنك عبسه بنت جرير .. وجدناها اتت ببعيرها وتقول بانها قلقه عليك لانك لم تفتح الماسنجر منذ اسبوعين


قل لهم سأكون اون لاين ..بعد ما انتهي من الورشة لان بها فرسي واعمل لها ( التشييك ) .. ووغيار الزيوت
وانت ما اخبار لهب معك ؟

ابا لهب : لقد ارسلته الى الجيش لكي يؤدي الخدمه الالزامية و أتمنى أن يكون بالقرب من خيامنا و اختصاصه الرماح طويلة المدى .


ابا جهل :حسناً حسناً يا صديقي .. استاذنك لاني سأذهب لأرد على بعض المواضيع في منتديات (( قريش دوت كوم ))

ابا لهب : نشوفك في المعبد

ابا جهل :طيب

أمثال ومقولات كمبيوترية

مد ملفك على قدر ذاكرتك .
برنامج الالف سطر يبدا با امر .
من كثرت ملفاته قل نظامه .
ذيل الماوس عمره ما يتعدل .
لو تجري جري الوحوش غير وندوز ما تحوش .
اللي ما يعرف الكمبيوتر يقول عنه اتاري .
الكمبيوتر صديق لا يمل ولا يمل .
ابعد عن الفيروس وغني له .
يدي الفيديو للي ما عندوش كمبيوتر .
يا هارد ما دخلك فيروس .
ديسكك حصانك ... إن صنته صانك .
كل واحد يعمل ايميل على السيرفر اللي يريحه .
المكتوب على الديسك ... لازم يشوفه الهيد .
ابن الهاكر كراكر .
ادي جهازك للصيانة ولو تسرق نصه .
لا تعايرني ولا أعايرك ... الويندوز قارفني وقارفك .
جالك الفايروس يا تارك النورتون .
اللي جهازه من غير فايروول ما يحدفش الناس بالتروجانز .
لو كان ليك عند ... حاجه قوله يا ويبماستر .
هذا الويندوز من ذاك الدوس .
الديسك الي يتعبك فرمته .

يحرق الهارد ديسك و يمشي في جنازته

صباح الخير يا جاري انت في هوم بيجك و انا في هوم بيجي

هذا الويندوز من ذاك الدوس

مصر التي في خاطري وفي ديسكاتي ......... احبها من كل روحي وميجابايتاتي

ما نقر ماوسك مثل ظفرك فتول انت جميع أمرك

اصبر علي جار السواء بكره يجيله فيروس يمسحه .
القرعة تتباهي برامات بنت اختها .
اللي له ضهر ما ينضربلوش هارد ديسك.
التعليم في الصغر كالكتابه في البيوس.
سك علي ملفاتك.
لو نسيتم اللي جرا هاتوا الـ History ينقرا.
البروسيسور السليم في الـ Mother Board السليم.
يعمل من البايت كيلو بايت .
كل تهنيجه و فيها خيره .
عشمتني بالرامات فكيت انا سلوتاتي .
البرنامج اللي انهرده بفلوس بكره يبقي ببلاش .
اديني Explorer و ارميني في الانترنت .
اذا حضر النورتون ذهبت الفيروسات .
اعلمه الهاكينج كل يوم فلما اشتد ساعده هاكاني و كم علمته مسح البورتات فلما فتح بورتا أذاني.
لا يلدغ المؤمن من الهاكر مرتين .
قد الايقونه ... وتعمل مجنونه .

القرد في عين امه بيل جيتس.

- اللي على راسه bad sectors يحسس عليها.

- لو لك عند الكلب حاجة...قول له يا webmaster .

- يا دار ما دخلك virus .

- ديسكك حصانك...ان صنته صانك.

- المكتوب على الديسك...لازم يشوفه الهيد.

- الكمبيوتر اللي فيه هاردين .. يشتغل عليه اتنين.

- ابن الهاكر كراكر.

- ما اسخم من دوس الا ويندوز.

- مهندس الكمبيوتر حجته معاه.

- اللي ما عندوش fire wall ما يحدفش الناس trojans .

- الديسك اللي يوجعك...فرمته.

- السيرفر اللي من غير security يعلم ال hacking .

- لا تعايرني و لا اعايرك...ده الويندوز قارفني وقارفك.

- فلان وفلان كارتين في slot.

- ادي جهازك للصيانة ولو انسرق نصه.

- كل برنامج وله كراك.

حوار طريف بين ميمى وجدته

الله أكبر الله أكبر..أذان الظهر..

-يارب.. يارب بحق ده الآدان تنجح يا ميمى يابن ابنى وأشوفك دكتور قد الدنيا
-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان

-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده مات من تلتين سنة

-تلتين سنه..ده العمر بيجرى ياولاد تصدق ولا حسيت بيهم....ياللا أهو راح فى داهيه..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

-خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلم كمان

-ياستى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت

-عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياستى أرحمينى بقه

-طب ذاكر....ذاكر جتك خيبة وأنته طالع براوى كده زى أمك...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ..... ....... ستى ماتطلعى البلكونة شويه ...ده الهوا
حلو بره


-ولا اقولك روحى المطبخ ...أهو زمان أمى خلصت الرز

-رز...رز إيه يابنى....هوأنا ليه سنان للرز...أناهطلع البلكونه أحسن

-طب خلى بالك م الهوى

-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟