_ياللى فيكى الحب نبع

ياللى فيكى الحب نبع
و الحنان فيكى طبع
.................
باللى ايدك دايما على كتفى
بتقوينى فى عز ضعفى
و تقوينى على الزمان
و الحنان م الايد ده يشفى
....................
ساعدينى أشفى المى
و احمينى وامحى همى
من غير صريخ تسمع ندايا
من غير كلام بحبك يا امى
.....................
فى برد عمرى انتى الدفا
و ف حضنك الحزن اختفى
وسط ناس وردها كداب
انتى بس شجرة وفا
...................
امدلك يا امى ايديا
لو تحبى تتسندى عليا
و اشربك من نيل جميلك
و من كلامى ليكى هدية